« Quote 4
Quote 5 »

ذكريات الطفولة

واجب تدويني مررته لي Female :h: ..
كتبتة عالسريع ومن دون ترتيب :shy:  ..

- اول ماتعلمت الصلاة انا وبينو كنا نوقف جنب امي ونقول ” اس اس اس “ الين مانسلم ..
لأننا مانسمع غير التصفير حق “سبحان الله / بسم الله” وعلى بالنا الصلاة كلها اس اس :s: ..

- ايام الإبتدائي كنت احس بنات سادس وخامس عمالقة ..
وكانوا كل يوم يمزحون معنا ويلعبونا ويشترون لنا حلويات وحركات ..
وعلى الدلع هذا كله كنت ارجع البيت ابكي اقول لأبوي : والله يا ابوي بنات اكبر واطول منك مرررره يخوفون ..
وكل يوم على هالحالة ..

- اول شيء تعلمته من دخلت المدرسة لا حرف ولا قراءة ولاحفظت جملة ، صديقتي هيا علمتني كيف ارسم نجمة  ”ولاتزال تدرس معي بالجامعه”

- مره كنا بفندق وطالعين نازلين ” نحب نلعب بالمصعد ”
والأجانب كثير يسألونا ..
رجعت للروم على طول اقول لأمي اذا قالوا هاو آر يو وش ارررد ؟
قالت : fine thank u
عاد سنترنا بالمصعد يعننا نعرف انجليزي ، وكل ماتكلم احد قلنا : فاين ثانكيو
يسأل عن الإسم : فاين ثانكيو ، اي دور تبون : فاين ثانكيو
انتوا توأم : فاين ثانكيو
والإبتسامه شاقه حلوقنا على بالنا فاهمين :s:  ..

- مره اختي اللي اصغر مني جاتني ومعها موس ، قالت : هذا وشو ؟ قلت : مشط ياغبيه ..
قالت : ليش صغير كذا ؟
قلت : حق الحواجب ياغبيه ..
<< تنافخ   :so:

بعدها طلعتلنا اختي للصالة ومافيها حواجب ..
قعدنا نص سنه تقريباً نرسم حواجبها بالكحل :so:  ..

- كنت احب اقرأ مجلة ماجد خاصة قصة بيبي ، تقريباً كل الأعداد كانت عندنا ..

- كنت احب قصص الأنبياء ودايم امي تشتريلنا كتب صغيرة واحياناً هي تسولف لنا بنفسها قبل النوم ..

- ايام ماكنا صغار انا وبينو واخوي كنا نصحى بدري دايم ونونس نفسنا بنفسنا ..
موقعنا المفضل للجلسة كان قدام الشباك ، مره لقينا عصفورة ثابته مو ناوية تطير ..
قال اخوي : يمكن صغيرة لسه ماتعرف تطير ، انا بعلمها
قام سوا زي افلام الكرتون لما يطلقون الحمامة للهوا ، الفرق هنا ان حمامتنا ماتحركت ، اخوي نفض يده يبي يغصبها ، هبطت للأسفل وتحرك جناحها بسرعه واخوي مبسوط يقول : قلتلكم ..
مادرينا الا دبججج ، ماتت ..

- اذكر يوم كنا بالشرقية الإجازة اللي بين صف ثالث ورابع ..
امي راحت للسوق مع خالتي ، وماقعد ببيت خالتي غير انا وبينو وبنت خالتي والشغالة ..
المهم كان عندهم سيب طوييييل ومظلم ، يوم طلعنا الحوش نلعب الا شفنا ظل عربية وكأن فيه احد ..
وصراخ وخوف وحالتنا حالة ، ونجري عالمطبخ ونفتح درج السكاكين ، انا اخذت اكبر وحده حقت تقطيع اللحم ” اللي تجيكم مستطيله ” وبينو اخذت ملعقه غرف ” خبله هههه” وبنت خالتني اختارت لها سلاح مدري وشو ..
ومن اليوم خايفين وقفلنا ابواب البيت كلها ونخطط اذا جاتنا العجوزة وش نسوي؟
لاحظو الظل هذاك صار عجوزة ، عاد بنت خالتي ذي عليها كذب مو طبيعي ، وانا وبينو دايم نصدقها ..
بعدها دقينا على 999 ، بالعادة ماقد شفت احد يدق على الشرطة الا بالأفلام المصرية ..
يوم رد علي الرجال قلت : آه ياحدرة الزابط عندنا حرامي ..
قال : وشو ؟؟؟!!!!
قلت: حرااامي حرااامي بسرعه بيقتلنا ..

- صديقاتنا كلهم اسماءهم فيها راء ..
فغيده ، ابغاغ ، نوغه ، مناغ ، وكنا نكتة العائلة ..
ومانطقت حرف الراء الا برابع ابتدائي بعد معاناة ، لما كنت اردد اغنية تجي بسبيس تون ” لماذا تطيرر الطيورر في السماء ….الخ”
استمريت سنة اردد هالأغنية احس بالإمتنان ..

الذكريات كثيييرة والله ..
دايم عالبال لكن لما نستدعيها ماتجي ..
طفولتي كانت شقية مميزة عامرة بكل شيء حلو ، كنا مانعرف الحقد ، مانفرق بين اللي يكرهنا ويحبنا ، نشاغب نضحك نروح نجي مايهمنا احد ، اهم شيء مبسوطين ..
كانت هاذي البراءة ، اللي نتمنى الحين نشوفها في الكبار وفي علاقاتنا ومانحس بصعوبة واحنا نمارسها :h:  ..

امرر الواجب لـ :
زهور الحب ، أبرار ، براري ، بونا ، المستبدة ، الوافي ، حنان ، ندى ، هيفاء

هذه التدوينة نُشرت في الجمعة, 20 نوفمبر, 2009 عند 7:38 م و مصنفة تحت تصنيف شخصي. يمكنك متابعة أي تعليقات عبر رابط RSS 2.0. يمكنك ترك تعليق, أو تعقيب من مدونتك.

32 من التعليقات لـ “ذكريات الطفولة”

  1. Abrar قال:
    20 نوفمبر 2009 عند 8:26 م

    هههههههههههههههههههههههه , ذكرى العجوز و السكاكين هذي كانت غالب طفولتي مع خواتي ..
    كنّا نطّلع اي سبب و عذر علشان نقنع انفسنا انه صدق به حرامي ببيتنا .. و نقوم نحوس بعدها .. قمة الأكشن ! :s:

    إيمانو :h: و جاري حل الواجب :tea:

  2. سيميـا قال:
    20 نوفمبر 2009 عند 11:27 م

    حركة الموس دمعت عيوني من الضحك :s:

    ربي يخليكم لأهلكم :rose:

  3. سومه قال:
    21 نوفمبر 2009 عند 12:19 ص

    انا ماراح ازحك لك لأنك ماقلتي أمرره لسومه زي أختك بينو :h3: :so:
    ههههههههههههههههههههههههه
    لا بجد مو تتني ضحك حقت الصلاه والاس والاس ههههههههههه

  4. هَنو قال:
    21 نوفمبر 2009 عند 3:51 ص

    ههههههههههههههههههههههههه :oo:
    ههههههههههههههههههه :oo: يآحلوك يختي :hug:
    مافطست ضحك إلا على سالفة حزرة الزابط هههههههههههههه D:
    فديتك .. مدونة وَ سوالف تهبل زيك ، عسى أيامك كلها سعادة وَ رضا (F)

    :h: (f)

  5. هَنو قال:
    21 نوفمبر 2009 عند 3:53 ص

    <~ فآقعه ضحك على الهآوريو ههههههههههههههههههههههههههههه
    ههههههههههههههههههههههههههههههههههههههههههههه
    ههههههههههههههههههههههههههههههههههههه

    يآحلوك يختي :hug:

  6. ahmed قال:
    21 نوفمبر 2009 عند 11:01 م

    هههههههههههههههه فاين ثانكيو فاين ثانكيو D:
    الذكريات حلوة , وخصوصاً أيام الطفولة :love: , أنواع الأعياد تجي ..

    بس موس الحلاقة إجرااااام D:

    ربي يحميكم ويحفظكم يارب :rose:

    * جاري حل الواجب :so:

  7. طِفلَة العِشْرينّ قال:
    22 نوفمبر 2009 عند 1:30 ص

    ههههههههههههههههههههههههههههههههههههههههه
    كل سالفة احلى من الثانية ;(
    سالفة الحواجب والصلاة وفاين ثانكيو هههههههههههههههههههههههههههه مره تجنن سوالفك ياحبي لك :hug:

    التدوينة هذي غير :yes: :shy:

  8. نوفه قال:
    22 نوفمبر 2009 عند 5:15 ص

    ههههههه يا قلبي على البراءة

    اختك هي و يا مشطها تموت ضحك

    الله يسعد قلوبكم

  9. عَابرة قال:
    22 نوفمبر 2009 عند 3:45 م

    أما أس أس :s: ..
    وفاين ثانكيو والموس :sh:

    أنا أمي تقول ما بهذلتيني كثر ما بهذلتين بالصلاة ..
    كنت أعتقد أنا الله يسلمن :s: إني إذا ماصليت مع أمي بنفس الوقت ..
    خلاص تكون راحت علي الصلاة :a:
    وكنت أصيح ,, فكانت أمي تعيد بالصلاة عشان حضرتي ..
    فصارت تنادين لا جت تصلي عشان أصف جمبه وترتاح مني D:
    كنت خمس سنين يمكن :so:

    ذكرياتكم توسع الصدر يامال الجنّة :h:

    :

    آخر بارت قاعدة أقراه على أختي وأقول :
    هالبنت له محبة من الله وكل ماله تكبر :h:

    والعشر عليك مباركة :rose:

  10. female symphony قال:
    22 نوفمبر 2009 عند 4:15 م

    ياحياتي يا ايمو من جد تدوينتك طلعتني من جو الكآبه اللي أنا فيه
    جد كل سالفة تضحك أكثر من الثانيه
    ربي يسعدكم دوم

    (F)

  11. دووووووديـ قال:
    23 نوفمبر 2009 عند 12:59 ص

    اجل انا كذااااااابه :shy: هيــــــ :en: ـــــن ياايمو يادوووووووووووووبا
    حسابي معاك عسيييير :co:

    بس

    فديت قلوبكم انتي وبينوو :h3: من جد طفولتي من دووونكم ولا شي
    ياااحلو ايام الطفوووله كانت سو سو شقيه ومغامرات ع الكيف
    اجل حضره الظابط اذكر قفلتي بوجه المسكين <<<بنسويها ع كبر ذي الاجازه :s:

  12. female قال:
    23 نوفمبر 2009 عند 1:58 ص

    فاين ثانكيو D:
    10 /10 :rose:

  13. حنان أحمد قال:
    25 نوفمبر 2009 عند 1:59 ص

    ضحكتيييييييييني الله يرد لك كل غالي عليك ..

    تصدقين كلامك و حكاياتك كانت تضحك ..
    فما بالك و انا بالاضافة لها جالسة اتخيل توأم يسوون شقااوة << هذا كومة من الضحك ..

    يمكن لاني ما اتعودت على شكل توأم شقي << لاني ما تعودت ع التوأم اصلا ..

    بس والله انكم فلة وقت تلعبون في المصعد و الناس تعجبهم اشكالكم عشان نفس بعض و جايين تغنون لهم ” فااااين ثانكيو”
    :h: (f) :h: <<< لايمان + بنان

  14. هيفاء قال:
    27 نوفمبر 2009 عند 9:56 م

    قد ايش واجبك حسسني إني فاشلة في الكتابة..ودخلني في معركة مع لوحة المفاتيح..ونقاش مطول مع حنان امتد لثلاثة أيام كأنه رسالة ماجستير..
    ياشريرة مو عشاني داخلة علمي تعطيني واجب صعب..لكن طيب بيجي يوم وأرسل لك “مشروع تخرج”

  15. هيفاء قال:
    30 نوفمبر 2009 عند 8:41 ص

    نسيت أقول إن طفولتك حماس>>حلت الواجب وفضيت تعلق

  16. Haya قال:
    1 ديسمبر 2009 عند 11:12 م

    هههههههههههههه ياحبيلكم ..
    عاد انا امووت بالتوآآأم ..
    عيال اختي توام مقطعتهم تقطيع D:
    ربي يخليكم لبعض .. ياارب
    وبجد مدونتك وسييعة صدًر .. (F)
    متابعه لك والله ..
    ومدونتك اضفتها بمدونتي من ضمن اذوااق
    لانك بجد ذووًق (f)

  17. TOTO قال:
    4 ديسمبر 2009 عند 12:37 م

    هههههههههههههه سالفة الموس خطيره ..
    تذكرت إن أختي غامرت به مره .. :s:

  18. شـذى الخزامى قال:
    8 ديسمبر 2009 عند 2:43 م

    ما شاء الله عليك هذا و أنتي كاتبته عالسريع :co:

    أجل كيف لو جهزتيه من قبل :

    الله يخليكم لعين ترجيكم :hug:

    تحياتي الحااارة :k:

  19. أبرار قال:
    10 ديسمبر 2009 عند 2:39 م

    هههههههههههههههههههه يا لبى العرب :rose:
    موتتني من الضحك ” يا حزرة الزابط ” و إلا بينو اللي خذت المغرفة خخخخخخخخخخخ
    .
    أوما أبغاغ من جد الاسم رايح فيها :t:
    .
    .
    جاري تنفيذ المهمة :love:

  20. صارخ بصمت قال:
    11 ديسمبر 2009 عند 4:28 م

    الطفولة مافي زيها :)

  21. توت قال:
    12 ديسمبر 2009 عند 1:18 ص

    قغيت المدونة كلهآ خخخ :s:

    بلآكم على الغاء قصدي الراء :a:

    عقبال ماتشبون نار بدفترر وتنآدون الدفاع المدني D: < ماقد سواها

  22. تحصيـل حـآـصل * قال:
    13 ديسمبر 2009 عند 2:40 ص

    هههههههههه
    تجنن ذكريااتك ..
    ربي يحفظكم :shy:

  23. εмoo قال:
    22 ديسمبر 2009 عند 7:41 م

    فدييييتكم كلكم وربي ..
    الف شكر على الكومنتات اللي توسع الصدر :h: ..

  24. Dantil قال:
    24 ديسمبر 2009 عند 1:30 ص

    :

    هههههههههههههههههههههههههههه
    عليكم قصص :oo: D:
    تهبل والله :s:
    الله يسعدك ونستيني آخر الليل :h:

  25. منيرة قال:
    14 يناير 2010 عند 7:18 م

    ()
    ()
    أحب الذكريات أنا
    :sad:
    تشبهني هذه الأحداث كثييييراً
    خصوصاً سالفة:أس أس!!
    هههه

    المعذرة إيمان على هذا التطفل
    :a:
    لكن انا هنا منذ فترة لكن هذه التدوينة أجبرتني على ان أدون مروري فعلياً!

    أسعدك ربي!
    :h:

  26. mesha قال:
    16 يناير 2010 عند 12:01 م

    هههههههههههههههههههههههههههههههههه
    ياحياااااااااااتي اختك مع الموس يالله مت ضحك
    تخيلت شكلها وهي جايتكم الصاله بدون حواجب :s:
    مجرمه انتي لا وبعد تنافخين عليها مسكينه

    اتشارك معك في اول موقف الي هو
    بنات سادس وخامس هذولي مسببين لي عقدة وربي كنت ارتجف لما يمرون جمبي
    ماكأنهم اطفال تقولين امهااااااااات مرره طوال وفيهم ضخامه
    احس سادس حقتنا غير عن سادس حقتهم خخخخ :s:

    وعلى حرف الراء تقريبا طفولتي كلها محذوف فيها حرف الراء خير شر خخخ
    عندي فيديو مسجل كنت اقول فيه “انا التفاحه الحموا.. مزووعه بين الخضوا ” خخخخخخ

    وقصص الانبياء ااااااااه ياحلاتها كنت اجنن امي طبعا انا لازم قصه قبل لا انام لما شرا لي ابوي سيدي حق كمبيوتر صخر فيه كل القصص مع الصور زي افلام الكرتون مرره حلو

    < كني خذت راحتي؟؟ هههههههههه :so:

    رجعتيني لذكريات حلوه ايمو :h:
    حبيت مواقفك واسلوبك .. مره تجنن مدونتك :h:

  27. حلم قال:
    17 يناير 2010 عند 1:57 م

    هههههههههه

    جميلة ذكرياتك !

    ياليت لي ذاكرة قوية عشان اتذكر مشاكساتي ! =”(

  28. شَ ! قال:
    18 يناير 2010 عند 8:33 م

    ههههههههههههههههههههههههه ..
    أنوـآعْ الوناسَة ،

    ألا ليْتَ الطفولَة تعوْد يوما
    فأخبرها بما فعل الشباب :s:

    \

    أحببتُ متفصحَك جدًا !
    عفوِي ، أنيْق ، فصيْح ، هادِئ :h:

    وفقك ربيْ

  29. البراء، قال:
    4 فبراير 2010 عند 1:37 م

    هههههه، الله يسعدكم !
    ما شاء الله،
    احلى شي يوم تعلمتم الصلاة، يا عيني عليكم، الاتباع بحذافيره !
    الله يحفظكن
    D=

  30. sugar قال:
    9 فبراير 2010 عند 7:35 ص

    ههههههههههههه ’
    حللوه اس اس اس ’ أنا كنت مثلكم اجلس جنب ماما واقول اسسس اسس
    واذا ركعو اركع معهم واقول اسسس ولا أحيانا يطولون بالسجود او الركووع
    اقعد اطوول مثلهمم واسكتتت ما اتكلم اذا سمعت احد يقول اسس اقول
    نوكتتا :s:

    االله يخليكم لبعض ’ :hug:

  31. εмoo قال:
    4 مارس 2010 عند 2:43 ص

    دانتيل - منيره - ميشو - حلم - ش - سكر
    ماحلّى هالتدوينه الا تعليقاتكم :h: ..

  32. εмoo قال:
    4 مارس 2010 عند 2:47 ص

    براء
    اهلن اهلن ..
    منور الحته بأول زياره :rose: ..

إكتب تعليقك

:s: :so: :i: :t: :p: =) :h: :oo: :a: :k: ;( :tea: :rose: :why: (f) (F) :en: :evil: :sad: :( :love: :shy: :co: :st: :yes: :sh: :h3: :g: :hh: D: :hug:
This site is protected by WP-CopyRightPro