إرشيف شهر أغسطس, 2009

كل عام وانتم بخير

الجمعة, 28 أغسطس, 2009


4 اشياء تحب تشوفها في رمضان :

- الموائد الرمضانية واعمال الخير .


- ابتسامة طفل وهو يتلقى صدقته .


- الروحانية المملوءة في الجوّ ، ومسابقة الكل على الطاعة ، الشيء اللي يخليك تنبسط وبنفس الوقت تفكر “ليش مانصير كذا طوال العام ؟ ولا إسلامنا مايظهر الا برمضان!”


- لما يوصلك اتصال من صديق قديم اشغلته الدنيا عنك حتى يهنئك برمضان ، يامحلاه من شهر جمعنا على خير .

4 اشياء ماودك تشوفها في رمضان :

- سُفرة بلا تمرة .
قال رسول الله صلى الله عليه وسلم : يا عائشة ! بيت لا تمر فيه ، جياع أهله . يا عائشة ! بيت لا تمر فيه جياع أهله – أو جاع أهله – قالها مرتين ، أو ثلاثا .


- سباق القنوات الى مالا خير فيه ولا جائزه من وراه ، وضع مخجل لنا كمسلمين ماودي اتكلم عنه لأني ماببقي ولا بخلي .
يعني حتى رسالة وحدة هادفة تبي تطلع فيها بنهاية المسلسل ماتلقى !


- قطع الأرحام .
رمضان شهر كله مغفره ومودة ، مايسرّك تشوف اللي مقاطعين بعض ومستمرين لا سلام ولا حكي بهالشهر ، التنازل حلو بهالمواقف وفيه الأجر والله .


- شخص لو تسأله انت بأي شهر يرد عليك جمادى الثاني .
لا صلاة تراويح ، لا قرآن ، لا عبادة ، شهر زيّه زي اي الشهور اللهم بيكون فيه بوفيه مفتوح الساعه 7 .
هالفئة بالذات تشغل تفكيري كثير ؛ عايشين بغفله ومتعودين الكل ساكت عليهم ، ودك باللي يحط ايده عليهم  ويدلهم بس  .

اللهم إنّا نسألك فيه مايرضيك ، ونعوذ بك مما يؤذيك ، ونسألك التوفيق فيه .
كل عام وانتم بكل صحة وسلامة .

Share and Enjoy:
  • Print
  • Digg
  • del.icio.us
  • Facebook
  • Twitter
  • email
  • MySpace
  • Tumblr

Traveling time

الأحد, 2 أغسطس, 2009

صيفي الفعلي بيبدأ بكرة..

مسافرة حتى شهر رمضان ان شاء الله ..

جهزت شناطي ..
جهزت قائمة الكتب اللي بقراهم وطبعتهم ..
رفعت بعض الكتب الإنجليزيه للآي بود ..

ونشاط في نشاط ..
المميز في هالأسابيع الجاية اني لأول مره بسافر واترك جهازي واللي فيه بالبيت “بإرادتي” ..
ابي احس انها فترة ترويح عن نفس ..

بيني وبينكم ادري اني مابصبر وبشيّك من الجوال ههههههه

استودعكم الله (f) ..

Share and Enjoy:
  • Print
  • Digg
  • del.icio.us
  • Facebook
  • Twitter
  • email
  • MySpace
  • Tumblr

This site is protected by WP-CopyRightPro