Glamorous

حابة اشاركم بعض التطبيقات بآيفوني ..
بعضها مسلي ، مفيد ، ذات استخدام يومي ، والبعض الآخر للحين ماجربته ..

نبداً من الصفحة الأولى :

SMSButler: تطبيق لطيف ، فيه 3 تصنيفات او 4 تقريباً تحتوي رسائل كثيره منوعه عن الصداقه والود وغيره … معبرة صراحة (كلها بالإنجليزي) .
Excuses: واجه اصدقائك بأعذار واهيه / طريفة ، سواءً فوّت يوم ميلاد او موعد مهم او او او (بالإنجليزي) .
Birthdays: يسويلك مزامنة مع حسابك بالفيس بووك ويذكرك بأيام ميلاد الأصدقاء ، واللي ماله حساب بالفيس يقدر بكل بساطة يضيف الموعد ، والتطبيق يذكرك قبلها بيوم او اسبوع او اللي انت تحدد .
Digital Zoom: زووم للكاميرا .
Cycorder: تصوير فيديو .
AwesomeNote: اهم تطبيق عندي ، استخدمه بشكل يومي … بكل بساطة دوّن امورك المهمه بتصنيفاتك الخاصه واشكال تفتح النفس ..

الصفحة الثانية :

تقريباً كلها قرابيع البلوتوث و السيديا .
برامج البلوتوث ماجربتها للحين .

الصفحة الثالثة :

PS Mobile: برنامج فوتوشوب مبسط للأيفون بتعديلات خفيفة عالصور ، من تعديل للألوان واقتصاص وغيره …
JumiMouse واللي جنبه: بديل ماوس للتحكم بالجهاز ، كل اللي عليك تحط آي بي جهازك بالإعدادات وبعدها تحكم بسطح المكتب .
Flashlight: تطبيق يمكن يكون تافه للبعض ومهم للبعض ، خدمني اكثر من مره بلحظات الشده ، التطبيق يعطيك خلفيات محدده توفر لك خدمة الفلاش .
Ruler: مسطرة ، يمكن نحتاجها يوم .
Sygic GCC: غني عن التعريف ، من اكثر التطبيقات اللي تتحمل بالستور ، خرائط دول الخليج كامله (مع دعم كامل للغة العربية) .
Locate: سواءً تدور على اقرب صيدلية ولا مكتبه ولا سوبر ماركت …الخ ، هالتطبيق يساعدك .
Mobile Track: حط رقم الجوال بهالتطبيق ، وهو يجيب لك موقعه وعلى خريطة جوجل (احياناً يصيب واحياناً يخطئ) .
Shazam: من اقوى التطبيقات الغنية عن التعريف ، سمعت لك مقطع من فلم او مسلسل او إعلان او حتى بجهازك مقطع مو عارف مين المغني ؛ هالتطبيق يجيبلك كل المعلومات وبرضو رابط الفيديوكليب والكلمات وخيارات كثيره غيرها .
FakeCaller: متوهق وتبي تصرف نفسك ، هالتطبيق يوفر لك مكالمة مزيفة (تطبيق بطل)
Megaphone: مايكروفون ، كل اللي عليك تشبك سلك سماعات الستريو بالآيفون وتتكلم ، ينفع لربع المناسبات والحفلات اللي صدف وضاع مكرفونهم .
Air Horn: من صورته .
iHound: مهــــــــــــم لأخر درجة ، في حال ضاع آيفونك او انسرق هالتطبيق هو الحل بإذن الله ، حمّل التطبيق وسجّل بالموقع ، اذا صار شيء لآيفونك لاقدر الله ادخل على حسابك بالموقع وهو يطلع موقع آيفونك وقد ايش يبعد عنك .

الصفحة الرابعة:

Al Mus’haf: هالتطبيق ابداع ، كأنك تقرأ مصحف حقيقي بإيدك ، مع خيارات تصفح ولا اروع .
iQuran: مصحف برضو ، حملته عشان القراءة الصوتيه فيه .
iAskar: اذكار الصباح والمساء و و و ، من اهم التطبيقات .
Qibla Direction: يحدد لك اتجاه القبلة ، ينفع وقت الكشتات والسفر .
Felaur PDF: جربت تطبيقات كثيرة وكان هذا افضلها لقراءة ملفات PDF ، استخدمه بشكل يومي .
Files+Docs: لقراءة ملفات بصيغ متعددة ، ماجربته للحين ، لكن من بحثي كانو هالبرنامجين من بين الأفضل .
Discover: نسيت وش وظيفته هههههههه
الـ8 تطبيقات الأخيرة: قواميس وترجمات ، منها الكتابي والناطق ومتعدد اللغات .

الصفحة الخامسة :

Y! Music + ScionRadio: راديو .
netTV: يفتح لك التي في بوجود النت .
Taptu Search: عباره عن محرك بحث لكل شيء ممكن يخدم الآيفون من خلفيات ونغمات وغيره .
ShooFeeTV: دليل لبرامج التلفزيون ، مره حبيته .
IM+: افضل تطبيق جربته للمسن .
Twitterrific: لتويتر .
Facebook: للفيس .
WhatsApp+WhosHere: تطبيقات للتواصل مع الآيفونيين حول العالم ، وطبعاً كأي خدمه في الشعب العربي لما تفتح التطبيقين لابد تشوف لك شويه مسخره .
WordPress: تطبيق بسيط للوردبريس ، تمنيت اشوف فيه خيارات اكثر .
Deviations: يعرض لك الدايلي ديفشن بالموقع الشهير DeviantArt .
Heart Monitor: لقياس ضربات القلب ، مسلي .
TVUPlayer: روعه هالتطبيق ، من اسمه TV ولابد يكون حولك نت .

الصفحة السادسة:

هالصفحة كلها العاب ، سوو سيرش عن اسم كل لعبه بالآيتيونز ستور وبتقرون عنها اكثر .
تقريباً جرّبت العاب كثيرة ، لكن حذفتها وخليت الأفضل .
لعبة تيكي تاورز كنت اتسلى عليها وقت المحاضرات الممله ، وختمتها .
آخر تطبيق “eliasZOO” حملته لأختي الصغيره تنبسط عليه .

الصفحة الأخيرة :

AppBox Pro: اكثر من تطبيق مهم في واحد ، كلها شغلات هندسيه .
MCleaner: لحظر بعض المكالمات المزعجة والرسائل .
Palringo: ثاني ارهب تطبيق للمسن على قولتهم ، جديد للحين ماجربته .
ToneFXs: لتغيير نغمات الجهاز واستبدالها بنغمات من التطبيق .

التطبيقات كوكتيل مابين السيديا والآيتيونز ستور ، واغلبها تحتاج وجود واي فاي حتى تشتغل .
اما الثيم بقولكم على شيء يضحك ، صممته قبل لا اشتري الآيفون بشهر وجبتلي ايقونات من آخر الدنيا … لكن للحين ماركبته زي منتو شايفين بالصور .
والسبب ان برنامج DiskAid و iFunBox مو راضين يصلحون معي ، وبكل مرة مايظهر الجهاز بالبرنامج .
مو عارفه وش مشكلته !

بالأخير رابط مهم عن الترقية الجديده :
http://www.iphoneislam.com/?p=3564

“everything happens for a reason”
وصدقوني he’s right .
كل شيء يحصل لسبب ، كل مشكلة ، كل مأساة تصير لنا لابد نخرج منها بفائدة .

تعودنا كثير على هالكلام وطفشنا منه ، من المقالات والمواضيع والكتب …الخ
لكن لو نطبق هالنظرية بعد فترة بنلاقيها صحيحة ، المشكلة تكمن في صبرنا القليل .
الفائدة ماراح تجي بيوم وليلة ، لكنها موجودة حتى لو اكتشفناها بعد 20 سنة .

وخلوني اوريكم التطبيق اللي فكرت عليه من ناحيتي :
قد صارت لي سالفة اثرت كثير عليّ لدرجة انها طالت اللي حولي .
مجرد التفكير في (لو) وقتها كان شيء عظيم (لو) كانت المخرج ، الإنتصار ، وكل شيء ممكن يظهر حقي .
(لو سويت /لو قلت /لو اني ماكنت هناك من الأساس لو لو لو )
لكن بعد 3 سنوات ، بعد الصبر وبعد ماتترك الأمور تمشي على ماهي مكتوبه له تقول شكراً ما ابي (لو)، ابي المشكله تصير والحمد لله انها صارت .
“تفكير بيظهر غبي للي ما اكتشف الفوائد لسه”
عنّي انا يكفيني تعلمت دروس كثيره دون كتاب او مدرسين ، تغيير جذري بتفكيري ، وكله بسبب مشكلة “بسيطة” بنظر عدوك لكن بالنسبة لك ومع الوقت تكتشفت انها قفزة قوية لقدام
وعلى هذا بديت اقيس كل الأخطاء السابقه …
صغيرها وكبيرها …
وكل مرة اضحك لأني عارفة الفوائد خلاص لكن ماكنت حاسة فيها .

اللي ابي اوصل له :
مهما كانت الظروف اللي تعيشها الحين ، والمشاكل حولك ، رحب فيها ، ضمها لو تقدر وبأعلى صوتك قولها “انتي طريقي للنجاح”

ومهما كانوا اللي حولك كثار ومهما كانت كمية الحب اللي يكننونا لك ، الا انه محد بيحبك قدرك .
محد بيكتشف هالدروس غيرك .
بالأخير محد بيواجهّا ويعبرها غيرك .

لذا … الأفضل تعرف نفسك وسط الدوشه ذي كلها ، بإنك وبكل بساطة تسجّل عبورك الناجح لدرس جديد .
دروس الحياة على اشكالها والوانها واختلاف نتايجها ، راح تعبرها سواءً كانت النتيجة سيئة او جيدة .

رضاك راح تلقاه مع الوقت .